အာဆီယံ- ဂျပန်စင်တာ (AJC) မှ ကြီးမှူး၍ ရိုးရာလက်မှုပစ္စည်းနှင့်အထည်အလိပ်ကဏ္ဍ တိုးတက်ရေးအတွက် ကုန်အမှတ်တံဆိပ်မြှင့်တင်ခြင်းနှင့် ကုန်စည်ရောင်းဝယ်မှုဆိုင်ရာ “Online Workshop on Branding and Merchandising for Traditional Craft and Textile Industry” ကို သြဂုတ်လ ၉ ရက်နေ့မှ ၁၅ ရက်နေ့အထိ ကျင်းပပြုလုပ်သွားမည် ဖြစ်ပါသည်။

အလုပ်ရုံဆွေးနွေးပွဲ ( Online Workshop ) ကို ကုန်အမှတ်တံဆိပ်မြှင့်တင်ခြင်း၊ ထုတ်ကုန်ဒီဇိုင်းနှင့် စျေးကွက်ရှာဖွေခြင်းကဏ္ဍများတွင် အတွေ့အကြုံရှိသော ပညာရှင်များက ဆွေးနွေးပို့ချ မည်ဖြစ်သောကြောင့် ပါဝင်တက်ရောက်သူများအနေဖြင့် မိမိတို့ထုတ်ကုန်ပစ္စည်းများအတွက် ကုန်အမှတ်တံဆိပ်မြှင့်တင်ရေးလုပ်ငန်းစဉ်များကို သိရှိနားလည်နိုင်မည် ဖြစ်ပါသည်။

အဆိုပါအလုပ်ရုံဆွေးနွေးပွဲသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့နှင့် သမဝါယမနှင့်ကျေးလက်ဒေသဖွံ့ဖြိုးတိုးတက်ရေးဝန်ကြီးဌာန၊ အသေးစားစက်မှုလက်မှုလုပ်ငန်းများမြှင့်တင်ရေးဦးစီးဌာနတို့မှ အစိုးရကိုယ်စားလှယ်များ ဦးဆောင်၍ မြန်မာ နိုင်ငံအထည်အလိပ်လုပ်ငန်းရှင်များအသင်း၊ မြန်မာနိုင်ငံကြိမ်နှင့်ဝါးလုပ်ငန်းရှင်များအသင်းနှင့် ပြည်နယ်/ တိုင်းများမှ လုပ်ငန်းရှင်(၂၀)ဦး ပါဝင်တက်ရောက်မည်ဖြစ်ကြောင်း သတင်းရရှိပါသည်။

TD ( Myantrade )